fbpx

Shenjat që po kaloni krizën e moshës së mesme dhe ju s’po e kuptoni

SHKARKO FALAS PERPUTHEN MEDIA
Perputhen.net

Meqenëse “kriza e moshës së mesme” nuk është një diagnozë që njihet nga mjekët, është një koncept i vështirë për t’u studiuar

Studiuesit shpesh nuk pajtohen se çfarë përbën një krizë të moshës së mesme.

Zakonisht mendohet se një krizë e moshës së mesme përfshin frikën nga vdekja ose dëshirën për të qenë sërish i ri/e re dhe emocionet e përjetuara gjatë një krize të tillë mund të mos jenë shumë të ndryshme nga shqetësimi që dikush mund të përjetojë gjatë çdo lloj krize gjatë jetës.

Shoqata Amerikane e Psikologjisë thotë se një krizë emocionale dallohet për shkak të një ndryshimi të qartë dhe të papritur në sjellje. Disa shembuj:

▪ neglizhencë e higjienës personale
▪ ndryshime në zakonet e gjumit
▪ humbje ose shtim në peshë
▪ ndryshime të theksuara në humor, rritje e zemërimit, nervozizmit, trishtimit dhe ankthit
▪ ndryshim në rutinën e marrëdhënies

Si duket një krizë e tillë?

1. Mungesë lumturie dhe kënaqësie.


2. Ndryshime në sjellje: rutina e gjumit, ndryshime në higjienë, ndryshime në dietën ushqimore, blerja e sendeve luksoze etj.
3. Ndihen bosh.
4. Rivlerësojnë zgjedhjet që kanë bërë në jetë.
5. Ndjenja të theksuara nostalgjie.
6. Krahasojnë veten me të tjerët vazhdimisht.

Shkaqet

Për shumë njerëz, mosha e mesme është një kohë kur marrëdhëniet dhe rolet po ndryshojnë. Disa njerëz mund të kenë nevojë të fillojnë të kujdesen për prindërit e moshuar gjatë moshës së mesme. Të tjerët mund të ndihen sikur fëmijët e tyre adoleshentët po rriten shumë shpejt.

Për disa njerëz, mosha e mesme mund të jetë një periudhë keqardhjeje. Procesi i plakjes bëhet më i dukshëm gjatë kësaj kohe. Disa individë mund të zhvillojnë sëmundje, ndërsa të tjerët mund të fillojnë të vërejnë rënie të aftësive fizike.

Si mund të ndihmoni njëri-tjetrin

▪ Dëgjoni pa gjykuar ndjesitë e tij/saj dhe përpiquni të bëni një bisedë të sinqertë.
▪ Jepuni kohë dhe hapësirë për t’u marrë me ndjenjat.
▪ Tregojini rëndësinë që ka të kërkuarit ndihmë.
▪ Kërkoni ndihmë të menjëhershme (të afërm, mjekë) nëse vlerësoni se ka shenja që mund t’i vendosë në rrezik jetën.

Burimet ndihmëse: Very Well Mind, Psychology Today, Anabel/Telegrafi

Advertisements