Shefi e pushoi nga puna se nuk pranoi t’i bënte kafen, e reja ‘hakmerret’ në mënyrën më epike

Një grua e re ka treguar historinë e saj të suksesit në Tik Tok ku ka marrë me miliona shikime. Kathleen Martinez, e cila tashmë punon si avokate për mbrojtjen e emigrantëve, ka treguar se shefi i saj i parë e pushoi nga puna sepse ajo nuk kishte pranuar t’i bënte kafen.

Shefi im më pushoi nga puna ime e parë si avokate për shkak se nuk përshtatesha me kulturën konservatore dhe nuk pranova t’i bëja kafen. Kështu që unë themelova firmën time të avokatisë, ku veshim çfarë të duam dhe e nxora shefin tim të vjetër jashtë loje. Pjesa më e bukur? Së fundmi ai aplikoi për një punë në firmën time. I thashë se kemi nevojë për ndihmë për t’i bërë vajzave kafe.

Avokatja Martinez tha për BuzzFeed se krijimi i firmës së saj ka qenë një përvojë vërtet fuqizuese dhe do të thotë shumë për të që të jetë në gjendje të ngrejë lart edhe gratë e tjera.

Shefi e pushoi nga puna se nuk pranoi t’i bënte kafen, e reja

Nuk e prisja të kisha një ndikim kaq të madh te vajzat e tjera. Kemi pasur mijëra avokate dhe profesionistë ligjore që aplikojnë për të punuar në firmën tonë. Ata gjithashtu kanë vuajtur nga diskriminimi gjinor në vendin e punës dhe duan të përqafojnë feminilitetin e tyre gjatë ushtrimit të ligjit.

Avokatja Martinez gjithashtu ka një mesazh që dëshiron ta ndajë me gratë e tjera që po përballen me seksizmin në punë.

Ka një vend për ty. Nëse punëdhënësi juaj nuk mund ta kuptojë se gratë mund të jenë edhe të zgjuara edhe femërore, nuk ia vlen të harxhoni kohën apo mundin tuaj. Si shumë gra para meje, më duhej të hapja firmën time për ta bërë këtë dhe nuk pendohem aspak.

Shefi e pushoi nga puna se nuk pranoi t’i bënte kafen, e reja

Së fundmi, ajo thotë se frymëzohet nga klientët e saj emigrantë çdo ditë, ndërsa punon për të ndihmuar në mbrojtjen e të drejtave të njerëzve dhe për të mbajtur familjet së bashku.

Kam kupuar se emigrantët janë të sjellshëm, të përulur dhe jashtëzakonisht mirënjohës. Ata punojnë shumë për të fituar të drejtën e tyre për nënshtetësinë dhe unë ndihem e privilegjuar që jam pjesë e kësaj./Gazeta Shqip

Advertisements